Хүрээлэнгийн эрхэм зорилго:

Эрдэм шинжилгээ, судалгаанд суурилсан ус, цаг агаар, уур амьсгал, байгаль орчны бодит болон урьдчилсан мэдээ, мэдээллээр шуурхай үйлчлэхэд оршино.

Хүрээлэнгийн үйл ажиллагааны үндсэн чиг үүрэг:

• Ус цаг агаар, уур амьсгал, байгаль орчны бодит болон ирээдүйн төлөв байдлын тухай мэдээ, мэдээллээр төр засаг, нийгэм-эдийн засаг, хүн амын эрэлт хэрэгцээг хангах,
• Ус, цаг агаарын аюултай болон гамшигт үзэгдлээс улс орны хүн ам, эдийн засгийн салбарыг сэрэмжлүүлэн хамгаалах зорилгоор аюул гамшгийн тухай мэдээллийг гаргах, нийтэд зарлан мэдээлэх,
• Ус, цаг уур, орчны хяналт шинжилгээний улсын сүлжээг мэргэжил, арга зүйгээр хангах,
• Ус, цаг агаар, уур амьсгал, байгаль орчин, тандан судалгаа, мэдээллийн технолог.ийн чиглэлээр эрдэм шинжилгээ, судалгааны ажил хийх, ур дүнг үйлдвэрлэлд нэвтрүүлэх, арга технологи, төсөл, хөтөлбөр боловсруулан хэрэгжүүлэх, оролцох, мэргэжлийн дүгнэлт, зөвлөмж, үнэлгээ гаргах
• Дэлхийн ажиглалтын системүүдийн систем болон Дэлхийн цаг уурын байгууллагын хөтөлбөрүүдтэй үйл ажиллагаагаа уялдуулах,
• Дэлхийн цаг уурын байгууллагын мэдээллийн сүлжээн дэх цаг уурын холбооны үндэсний төвийн үүргийг гүйцэтгэх,
• Зайнаас тандан судлах үндэсний төвийн үүргийг гүйцэтгэх,
• Байгаль орчны мэдээллийн төвийн үүргийг гүйцэтгэж, мэдээллийн сангийн өдөр тутмын үйл ажиллагааг эрхлэх

Вэб сайт : irimhe.namem.gov.mn