Цаг уур, орчны шинжилгээний газар нь тоон прогнозын үр дүн, тооцооллын нарийвчлалыг сайжруулах зорилгоор өндөр хүчин чадлын компьютерыг (HPC)-ийг нэвтрүүлээд байна. Энэхүү шинэ технологи, тоон загварыг ажиллуулах, хүний нөөцийн мэдлэг, ур чадварыг дээшлүүлэх зорилгоор “Бүс нутгийн загварчлал” сэдэвт сургалтыг “АДАПТ” төсөлтэй хамтран 2026 оны 1 дүгээр сарын 19–23 өдрүүдэд зохион байгуулж байна. Сургалтын хүрээнд бүс нутгийн тоон загварчлалын WRF, MPAS загварууд, өгөгдлийн ассимиляцын WRF-DA, агаар мандал–газрын бүрхэвч–усны харилцан үйлчлэлийг загварчлах WRF-Hydro загваруудын үндсэн ойлголт, ажиллагааны зарчим, түүнчлэн практик хэрэглээнд тулгардаг асуудлыг шийдвэрлэх зэргээр арга зүйг судалж, хамтран ажиллахад чиглэж байна.

БНСУ-ын Ёнсей их сургуулийн “Агаар мандлын шинжлэх ухаан”-ны тэнхимийн Профессор Сан-Хүн Парк, докторант Мин-Жээ Лий, Сэ-Хюн Лий нар сургалтыг онол, практикийг хослуулсан хэлбэрээр явуулж байна.