Цаг уур, орчны шинжилгээний газрын харьяа Байгаль орчин, хэмжил зүйн төв лаборатори, БНСУ-ын Кентек компанитай хамтын ажиллагааны санамж бичиг байгууллаа.

Энэхүү хамтын ажиллагаа нь Монгол Улсын байгаль орчны чанарын хяналт шинжилгээний улсын сүлжээний нэг хэсэг болох агаарын бохирдлын хяналт шинжилгээний тасралтгүй ажиллагааг хангах, багаж тоног төхөөрөмжийн засвар үйлчилгээ хийх, улсын сүлжээний үйл ажиллагааг сайжруулах зорилготой юм.

Санамж бичгийн хүрээнд талууд дараах байдлаар хамтран ажиллахаар тохиролцлоо.

Агаарын бохирдлын хяналт шинжилгээний улсын сүлжээний үйл ажиллагааны тасралтгүй байдлыг хангахад талууд хамтран ажиллана.

Агаарын чанарын автомат станцын багаж, тоног төхөөрөмжийн засвар үйлчилгээ, техникийн туслалцаа үзүүлнэ.

Агаарын бохирдлын хяналт, мониторингийн технологитой холбоотой мэдээлэл, туршлага солилцоно.

Агаарын чанарын хяналтын системийн ашиглалт, засвар үйлчилгээний чиглэлээр орон нутгийн инженер, техникийн ажилтнуудын чадавхыг нэмэгдүүлэх зорилгоор сургалт хамтран зохион байгуулна.

Энэхүү санамж бичгийг үр дүнтэй хэрэгжүүлэхэд дэмжлэг үзүүлэх зорилгоор харилцан тохиролцсон бусад хамтын ажиллагаа, төсөл, хөтөлбөр хэрэгжүүлнэ.